.jpeg)
.jpeg)
මෙරට දකුණු කොරියානු තානාපති H.E. Miyon Lee මහත්මිය පසුගියදා කෘෂිකර්ම අමාත්‍ය මහින්ද අමරවීර මහතා ඇතුළු කෘෂිකර්ම අමාත්‍යාංශයේ නිලධාරීන් හමුවී කෘෂිකර්මාන්තයේ ඉදිරි සංවර්ධන කටයුතු සම්බන්ධව කළ සාකච්ඡාවකදී අමාත්‍යවරයා මෙම ඉල්ලීම කළේය.
එම ඉල්ලීමට සුබවාදී ප්‍රතිචාර පළ කළ තානාපතිවරිය කොරියා රජයට එම ඉල්ලීම යොමු කරන බව සඳහන් කළාය.
වී අස්වනු ඉහල නැංවීම, රසායනික පොහොර හා කාබනික පොහොර භාවිතය, ජාන තාක්ෂණය උපයෝගී කර ගනිමින් උසස් බීජ නිෂ්පාදනය, කෘෂිකර්මාන්තය සඳහා නව තාක්ෂණය යොදා ගැනීම හා දකුණු කොරියාව හා ශ්‍රී ලංකාවේ කෘෂිකාර්මික අංශයේ නිලධාරීන් සඳහා පුහුණු කිරීම වැනි කරුණු ගණනාවක් සම්බන්ධව මෙහිදී සාකච්ඡා කළේය.
කොරියා අන්තර්ජාතික සහයෝගීතා ඒජන්සිය යටතේ මින් වසර කිහිපයකට පෙර උසස් කෘෂිකාර්මික පුහුණුවක් ලාංකික නිලධාරීන් හා විද්‍යාඥයින්ට ලබා දුන් බවත් දැනට එම වැඩසටහන අත්හිටුවා ඇති බවත් අමාත්‍යවරයා කීය.
මෙහිදී පොහොර භාවිතය සම්බන්ධව අදහස් පළ කළ තානාපතිවරිය දකුණු කොරියාව කෘෂිකර්මාන්තයෙන් උසස් අස්වැන්නක් ලබා ගැනීම සඳහා රසායනික පොහොර සහ කාබනික පොහොර යන දෙවර්ගයම භාවිතා කරන බවත්, දකුණු කොරියා ගොවීන් ඒ සඳහා මනාව පුහුණු කර ඇති බවත් සඳහන් කළාය.
(අංජුල මහික වීරරත්න)
